നിന്നോര്മ്മയിലെന് ജീവിതമാകെ തളര്ന്നുറങ്ങുമ്പോള്
മധുരിതമാകും കിനാക്കളുള്ളില് നടനം ചെയ്യുന്നൂ.
മനസിനുള്ളില് വിരിഞ്ഞു നില്ക്കുമൊരോമന സ്വപ്നവുമായ്
നിലാവിനുള്ളില് നിന്നുമിറങ്ങിയൊരപ്സരസായീ നീ.
അനന്ത നീല വിഹായുസ്സിനുള്ളില് മറഞ്ഞു പോയോ നീ?
വിണ്ണീലുറങ്ങിയപൂന്തിങ്ക ളിന്നവള്ക്കു കൂട്ടായി
കണ്ണില് നിന്നു മറഞ്ഞൊരു സുന്ദരതാരകമായീ നീ.
മണ്ണില് വീണു തകര്ന്നു മരിച്ചൊരു ചാരു സ്മരണകളേ
വര്ണ്ണപ്പൊട്ടുകളായിന്നേറ്റും മനസിന് യവനികയില്.
വസന്ത രാഗ വിലാസം പേറും പൂവണി മാസത്തില്
ആശകളോരോന്നായിട്ടെന്നില് വിരുന്നു വന്നീടും.
കഥ പറയുന്നോരാകാശത്തിന് മണിയറ പൂകീ നീ
കരളിന്നുള്ളില് കരയുന്നൊരു മമ രാവിന് കഥ കേട്ടോ.
മധുരിതമാകും, ഹൃദയേ നീ അന്നുതിര്ത്ത സംഗീതം
കനലുകളെന്നില് വിതറുന്നെന്നുടെ മുറിവുകളായ് തീര്ന്നു.
പലതും തേടും, പലതും നേടും ജീവിത ധാരയിതില്
പകര്ന്നു തരുവാനുള്ളതു നിന്നുടെ ദുഃഖ സ്മൃതി മാത്രം!
