മനസ്സിനുള്ളില്‍ ഒരു കണ്ണന്‍.........
ഒരു മുളം തണ്ടിന്റെ ഉള്ളില്‍ നിന്നൂറുമാ
സ്വരരാഗ സുധയെന്നെ ഉണര്‍ത്തി വീണ്ടും
കണ്ണന്റെ വൃന്ദാവനിയും, കാളിന്ദിയും
അമ്പാടി തന്നിലേ ഉണ്ണിക്കുസൃതിയും,
ഗോക്കളേ മേയ്ക്കുവാന്‍ പോകുന്ന കാനനേ
ഗോവര്‍ദ്ധനം കയ്യില്‍ താങ്ങി പിടിച്ചതും,
കടമ്പു മരത്തിന്നുള്‍ക്കുളിരേകിയ
ലീലാവിലാസവും, മോഷ്ടിച്ച വെണ്ണയും,
കാമിനിമാരുടെ ചേല കവര്‍ന്നതും
ഒരായിരം ഗോപാംഗനകളാ പ്രേമത്തില്‍
സായൂജ്യം നേടിയ നിന്‍ സ്നേഹ സ്പര്‍ശവും
മാമകാത്മാവിലെന്നും രാഗസാന്ദ്രമാമൊരു
യമുനാ പ്രവാഹമായ്,ഹര്‍ഷോന്മാദമായ്
നിറയുന്നുണ്ടിന്നെന്നും നിൻ വരപ്രസാദമായ്..........
