അറിയാതെ നീ എന്റെ മാനസ ക്ഷേത്രത്തിലൊരു
തിരിവെട്ടം പകര്ന്നു തന്നു.
ദിവ്യാനുഭൂതികള് എന് ചിത്തമാകവേ
വര്ണ്ണവിരാജികള് വരച്ചു ചേര്ത്തു.
നിന് കര ലാളന നിര്വൃതിക്കുള്ളില് ഞാനെ-
ന്നേ മറന്നെന്റെ പൊന്നിന് കിനാക്കളേ
പ്രേമാര്ദ്ര സങ്കല്പ്പ സുന്ദരമാകുമൊരേകാന്ത
രാവിന്റെ രാഗ ലഹരിയായ്
താലോലിച്ചോമനിച്ചുമ്മ വച്ചു.
ആദ്യാനുരാഗത്തിന് തൂമധു തൂകുന്നൊ-
രാമോദമെന്നില് നിറഞ്ഞുനിന്നു.
താരണിച്ചന്ദ്രിക ച്ചാറൊളി പൂശുമാ
മഞ്ഞലക്കുള്ളിലെ സൗന്ദര്യവും,
മാസ്മരമാകുന്ന പൊന്നുഷസ്സന്ധ്യതന്
ചാരുവര്ണ്ണാങ്കിത മാധുര്യവും,
മാമരച്ചാര്ത്തിന്റെ ഉള്ളില് നിറഞ്ഞൊരാ
ഹേമന്ത,വാസന്ത ചൈതന്യവും,
ചാരു മനോഹര സങ്കല്പ്പ ധാരയില്
നവ്യസുഗന്ധങ്ങളായണഞ്ഞു.
എന് അന്തരംഗത്തിന് അങ്കണമാകവെ
പൊന്മയില് പേടകള് നൃത്തമാടി.
കാലത്തിന്നഞ്ജാതമാം യവനികക്കുള്ളിലെന്റെ
പ്രേമസങ്കല്പ്പങ്ങള് പൊലിഞ്ഞുപോയി.
മായുന്ന ജീവിതത്താരയില് മോഹത്തിന്
സൗവ്വര്ണ്ണപ്പൂക്കള് കൊഴിഞ്ഞു വീണു.
ഒന്നുരിയാടുവാന് കാത്തു നില്ക്കാതെ നീ
എന്നില് നിന്നെങ്ങൊ നടന്നകന്നു.
ഒന്നുമറിയാതെ ഒറ്റയ്ക്കു ഞാനിന്നീ കണ്ണീര്
കണങ്ങള്ക്കു സ്വന്തമായീ.
നിന് പാദസ്വനമൊന്നു കേള്ക്കുവനാശിച്ചെന്റെ
അന്തരാത്മാവിന്നും കേഴുന്നു വിലോലമായ്
ഒരു നറു തുളസിക്കതിരായി നിന്നു ഞാന്
നിനക്കായിട്ടൊരു കര്പ്പൂര ദീപം പോല് എരിഞ്ഞുതീരാം.
Friday, February 22, 2008
Subscribe to:
Post Comments (Atom)
1 comment:
ഞാനെ-
ന്നേ മറന്നെന്റെ പൊന്നിന് കിനാക്കളേ
പ്രേമാര്ദ്ര സങ്കല്പ്പ സുന്ദരമാകുമൊരേകാന്ത
രാവിന്റെ രാഗ ലഹരിയായ്
താലോലിച്ചോമനിച്ചുമ്മ വച്ചു.......... ഒന്നുരിയാടുവാന് കാത്തു നില്ക്കാതെ നീ
എന്നില് നിന്നെങ്ങൊ നടന്നകന്നു.
ഒന്നുമറിയാതെ ഒറ്റയ്ക്കു ഞാനിന്നീ.........
വിരഹത്തിന്റെ വിരിമാറില് ഒരു കാമുകിയുടെ തോരാത്ത അശ്രു ധാര.. വായിക്കൂ... കുഞ്ഞുബി
Post a Comment