സന്തുഷ്ടി നിറഞ്ഞ ആ പുലര്കാല വേളയില്
നീ എന്നില് മൂന്നു ചുംബനങ്ങള് അര്പ്പിച്ചു.
ഈ സ്നേഹം വഴിയുന്ന നിമിഷങ്ങളിലേക്കു
എന്നെ തുയില് ഉണര്ത്താനായി മാത്രം....
എന്തു സ്വപ്നമാണു ഈ നിശീഥിനിയില് ഞാന് കണ്ടതെന്നു
ഞാന് എന്റെ ഹൃദയത്തില് തിരയുകയായിരുന്നു.
അതിനിടയിലാണു ജീവന്റെ തുടിപ്പുകള് ഉള്ക്കൊണ്ട
നിന്റെ ചുംബനങ്ങള് ഞാന് അറിഞ്ഞതു!
എന്റെ കിനാവുകള് എന്തായിരുന്നെന്നു ഞാന് കണ്ടെത്തി.
പക്ഷെ, നിറഞ്ഞു നിന്ന പൂന്തിങ്കള്, എന്നെ അതിനിടയില്
ആകാശവിതാനത്തിലേക്കു ഉയര്ത്തിക്കൊണ്ടു പോയി.
ഞാന് അവിടെ തൂങ്ങി കിടക്കുകയായിരുന്നു.
എന്റെ ഹൃദയം നിന്റെ കാലടി പാതയിലേക്കു
വീഴുന്നതു എനിക്കു കാണാമായിരുന്നു.
എന്റെ പ്രേമത്തിന്റെയും, ഹൃദയത്തിന്റേയും മധ്യത്തില്
ക്രമേണ...സാവധാനത്തില്... നടക്കുന്ന പലതും..അല്ല എല്ലാം തന്നെ
എന്റെ സ്മരണയില് തെളിഞ്ഞു വരുന്നതു ഞാന് മനസിലാക്കി.
എനിക്കു നിന്റെ കരാംഗുലികള് കാണാന് സാധിക്കുന്നില്ല;
എങ്കിലും നിന്റെ തൂവിരല് സ്പര്ശം എന്നെ ആനന്ദിപ്പിക്കുന്നു.
നിന്റെ ചുണ്ടിണകള് ഞാന് കാണുന്നില്ലെങ്കിലും,
അതിലോലമായ നിന്റെ ചുംബനങ്ങള് ഞാന് ഏറ്റു വാങ്ങുന്നു.
നീ എന്നില് നിന്നും മറഞ്ഞിരിക്കുകയാണല്ലൊ.
എന്നാലും, എനിക്കു ജീവന് പകര്ന്നു തരുന്നതു നീയാണല്ലൊ.
എപ്പോഴെങ്കിലും നീ നല്കുന്ന ചുംബനങ്ങളില് നിനക്കു വിരസത
തോന്നിയേക്കാം. എങ്കില് തന്നെയും- നിന്റെ ശകാരങ്ങള് പോലും എനിക്കു ആസ്വാദ്യതരമാണു!
ഒരു കാര്യം മാത്രമേ ഞാന് ആവശ്യപ്പെടുന്നുള്ളു.
നീ അല്പമെങ്കിലും ശ്രദ്ധ എനിക്കു നല്കണം....
അതു മാത്രം!
Monday, December 10, 2007
തുയിലുണര്ത്തല്!.......republished
Subscribe to:
Post Comments (Atom)
4 comments:
നീ എന്നില് മൂന്നു ചുംബനങ്ങള് അര്പ്പിച്ചു.
ഈ സ്നേഹം വഴിയുന്ന നിമിഷങ്ങളിലേക്കു
എന്നെ തുയില് ഉണര്ത്താനായി മാത്രം....
കനവിലും നിനവിലും നീ എന്നോടു കൂടി ഉണ്ടു.നീ എന്നില് നിന്നും മറഞ്ഞിരിക്കുകയാണല്ലൊ. എന്റെ സ്വപ്നങ്ങള് എല്ലാം നിന്നെ കുറിച്ചു മാത്രം.
നിന്റെ ചുണ്ടിണകള് ഞാന് കാണുന്നില്ലെങ്കിലും,
അതിലോലമായ നിന്റെ ചുംബനങ്ങള് ഞാന് ഏറ്റു വാങ്ങുന്നു....വായിക്കൂ.
ഒരു കാര്യം മാത്രമേ ഞാന് ആവശ്യപ്പെടുന്നുള്ളു.
നീ അല്പമെങ്കിലും ശ്രദ്ധ എനിക്കു നല്കണം....
അതു മാത്രം!
കുഞ്ഞു നബി മാഷേ,
കവിത ഇഷ്ടമായി.ആശംസകള്...
കണ്ട സ്വപ്നത്തെ ഹൃദയത്തില്
തിരയുന്ന പ്രക്രീയ പ്രണയം !!
പ്രണയം, മറഞ്ഞിരുന്ന് ജിവന് പകരുന്നു
കാണാന് കഴിയാത്താ കരാംഗുലികളുടെ
തൂവല് സ്പര്ശത്തില് ആനന്ദിപ്പിക്കുന്നു പ്രണയം!
എത്ര വര്ണിച്ചാലും മതിവരാത്താ പ്രണയം!
അതെ പ്രണയം സുന്ദരമാണ് ...
ഈ തുയിലുണര്ത്തല് മനോഹരം!
ആശംസകള് ..
ഹരിശ്രീ...മാണിക്യം... നന്ദി.”പ്രേമ നിര്വൃതിയില് ഈ പ്രപഞ്ചം പാടെ മറന്നോമലേ നാമന്യോന്യം ഗാഢമായാശ്ലേഷിക്കെ,
ഒരു സംഗീതത്തിന്റെ കൊച്ചുകൊച്ചലച്ചാര്ത്തില്
അറിയാതെങ്ങൊ നമ്മളൊഴുകി പോകുന്നില്ലേ?...അതല്ലേ സാക്ഷാല് പ്രണയം....കുഞ്ഞുബി
Post a Comment